Contoh Pidato Bahas Jawa Wasana Warsa/ Pidato Perpisahan Berbahasa Jawa

WASANA WARSA

Assalamu’alaikum Wr Wb

Dumateng panjenenganipun bapak Lil Ikromy Panjalu, S.Pd, M.Pd minangka pangarsa SMP N 1 Semedangan ingkang satuhu kinurmatan, dumateng bapak ibu guru dalah sedaya karyawan SMP N 1 Semedangan ingkang kula bekteni, saha rencang-rencang lan adik– adik kelas VII, VIII, ingkang kula tresnani

Puja puji syukur  dumateng gusti ingkang maha agung, ingkang sampun angluberaken rahmat sarta hidayah dene kula panjenengan sami, saengga saged makempal wonten adicara perpisahan kelas IX kanti wilujeng widodo boten wonten satunggal rubeda.

Shalawat sarta salam mugi tetep kapareng dumateng nabi Muhammad ingkang kita tengga syafa’atipun.

Mugi kapareng kula Dwi Findi Nurcahyani minangka wakilipun kelompok H matur dumateng bapak/ibu guru dalah  rencang-rencang ingkang rawuh wonten mriki

Ingkang sepisan kula ngaturaken agunging panuwun ingkang tanpa upami awit keikhlasan sih katresnan  bapak / Ibu guru anggenipun nggula wentah dumateng para siswa, saengga saged ngrampungaken kewajiban ingkang sampun kalampahan sak dangunipun tigang warsa kanti angsal serat tanda belajar.

Ingkang angka kalih kula atas nami rencang-rencang ngaturaken pangapunten ingkang katah dumateng bapak / ibu guru menawi sampun damel susah payah panjenengan wonten wonten  tigang warsa punika.

Ingkang angka tiganipun dumateng adik-adik kelas 7-8 SMP N 1 Semedangan kula sak rencang nyuwun doa restunipun, dumateng bapak/ ibu guru kangge nerusaken pawiyatan ingkang inggil, mugi-mugi kula sak rencang saget nggayuh cita-citanipun ingkang sampun dipun idam-idamaken

Cekap semanten ingkang saged kula aturaken, mbok menawi wonten kirang tatakrami anggen kula matur, kula tansah mawantu-wantu nyuwun angunging panuwun tanpa upami, kula akhiri

Wabillahi taufiq wal hidayah Wassalamu’alaikum Wr Wb