PIDHATO BAHASA JAWA TEMA PERPISAHAN KELAS IX

WASANA WARSA

Assalamu’alaikum Wr Wb

Ingkang kinurmatan bapak Budiyono, S.Pd, M.Pd minangka pangarsa SMP N 1 Sumowono, ugi bapak ibu guru lan karyawan ingkang kula hormati, sedoyo rencang-rencang lan adik– adik kelas VII, VIII, ingkang kula tresnani

Ingkang rumiyin sumangga kita ngaturaken puji syukur dumateng gusti ingkang maha agung ingkang sampun maringi rahmat nikmat sertanipun hidayah, saengga kita sedaya saget makempal wonten adicara perpisahan kelas IX sak menika

Mugi kapareng kula Indra Ayu Lestari minangka wakilipun kelas IX D matur dumateng bapak/ibu rencang-rencang ingkang rawuh wonten mriki

Wonten adicara menika kula dalah rencang-rencang ngaturaken agunging panuwun dumateng bapak/ibu guru ingkang sampun paring piwulang. Kula sak kanca namung saged dedonga mugi-mugi sedaya amal lan kesaenan bapak/ibu guru pikantuk piwales saking gusti ingkang maha agung

Mboten kesupen kula sakkanca nyuwun agengipun pangapunten menawi gadah kalepatan ingkang dipun sengaja utawi mboten dipun sengaja.

Kula sak rencang nyuwun donga restunipun dumateng bapak/ibu guru kangge nerusaken pawiyatan ingkang inggil mugi-mugi kula sak rencang saged nggayuh cita-citanipun ingkang sampun diidam-idamaken

Cekap semanten ingkang saged kula aturaken menawi wonten kalepatan kula nyuwun agunging pangapunten, kula akhiri

Wassalamu’alaikum Wr Wb

Pidato Bahasa Jawa Perpisahan sekolah kelas 9

Assalamu’alaikum Wr Wb

Dumateng panjenenganipun Bapak Budiyono, S.Pd, M.Pd minangkani pangarso SMP N 1 Sumowono ingkang satuhu kinurmatan.

Dumateng Bapak Ibu dalah sedoyo Karyawan SMP Negeri 1 Sumowono ingkang kulo bekteni

Sedoyo rencang-rencang lan adik-adik kelas VII, VIII ingkang kulo tresnani.

Ingkang rumiyen sumangga kita tansah muji syukur wonten ngarsanipun Gusti Allah ingkang maha agung, ingkang sampun maringi nugraha arupi kasarasan saengga kula lan panjenengan sedaya saged makempal wonten ing adicara perpisahan kelas IX kanti wilujeng widodo mboten setunggal rubedo.

Wonten ing wekdal menika, kaparenga kula Agung Panuwun minangkani wakilipun kelas IX E ngadeg ing ngarso panjenengan sami, sak perlu mranata adicara perpisahan kelas IX menika

Ingkang sepisan kula ngaturaken agunging panuwun dumateng bapak ibu guru ingkang sampun susah payah paring piwulang dumateng kula dalah rencang-rencang. Ananging kula dalah rencang-rencang mboten saged atur piwales punopo-punopo. Amung saged ndedonga mugi-mugio bapak ibu guru sedoyo pikantuk rohmating sakig Allah subhanahu wa ta’ala, amiin amiin ya robbal ‘alamin.

Ingkang kaping kalih dumateng adik kelas VII soho kelas VIII sak rencang-rencang, kula nyuwun pangapunten mbok bilih kula ugi rencang-rencang anggadahi perilaku ingkang kirang prayogi ugi mboten mranani ing penggalih panjenengan sedoyo.

Mekaten para rawuh rerantaming adicara perpisahan kelas IX dinten menika. Sinambi nengga samudayanipun siyaga kasuwun para rawuh nyekecakaken lelenggahan kanti mardikaning penggalih ing palenggahan ingkang sampun kacawisaken.

Cekap semanten ingkang saged kula aturaken, menawi wonten kalepatanipun kulo mawantu-wantu nyuwun agunging pangapunten ingkang tanpa upami.

Wasana kawulo akhiri akhiru kalam wabillahi taufiq wal hidayah

Wassalamu’alaikum Wr Wb

Pidato Perpisahan kelas IX/ Wasana Warsa Bahsa Jawa

Assalamualaikum Wr Wb

Dhumateng Bapak Budiyono S.Pd, M.Pd minangka pangarsa SMP Negeri 1 Sumowono ingkang satuhu kinormatan.

Bapak lan ibu guru sarta karyawan ingkang kula bekteni lan para rencang lan adik-adik ingkang kula tresnani.

Ingkang rumiyen, sumangga kita tansah ngaturaken puja lan puji syukur dhumateng Ghusti Allah swt ingkang sampun pareng rahmat, taufik, sarta hidayah dhateng kula lan panjenengan sedaya. Saengga kita saged makempal wonten ing acara perpisahan kelas IX khanti mboten wonten alangan punopo.

Shalawat saha salam mugi katur dhumateng junjungan kita Nabi agung Muhammad saw. Ingkang kita ajeng-ajeng syafa’atipun benjang ing yaumil qiyamah.

Mugi kepareng kula Dedeh Kalisna wakilipun kelas IX D matur dhumateng Bapak/Ibu guru lan rencang-rencang ingkang sampun rawuh wonten mriki.

Ingkang sepisan, kula ngaturaken agunging panuwun dhumateng Bapak/Ibu guru ingkang sampun maringi piwulang dhateng kula lan rencang-rencang sedaya.

Ingkang angka kalih, kula lan rencang-rencang ngaturaken pangapunten ingkang kathah dhumateng Bapak/Ibu guru menawi wonten kalepatipun ing tigang warsa puniko.

Igkang angka tigo, kula lan rencang-rencang sedaya nyuwun donga restunipun dhumateng Bapak/Ibu guru sak sampunipun kula sinau wonten ing SMP punika lan mugi kula dalah rencang-rencang sedaya pareng ilmu ingkang kathah lan bisa nggayuh cita-cita.

Ingkang angka sekawan, dhumateng adik-adik kelas 7 lan 8, kula lan rencang-rencang sedaya nyuwun pangapunten menawi wonten kalepatan.

Cekap semanten ingkang saged kula aturaken, menawi wonten kalepatan saha kesripahan kula nyuwun pangapunten ingkang saget. Kula akhiri. Wabilahi taufik walhidayah

Wassalamualaikum Wr. Wb

Pidato perpisahan sekolah bahasa jawa

Assalamu ‘alaikum Wr Wb

Bapak kepala sekolah ingkang kulo kinormatan,

Para bapak saha ibu guru ingkang kulo hormati , para tamu undangan ingkang kulo hormati lan sedaya kanca ingkang kula tresnani

Sumonggo kita sedaya sesarengan ngaturaken puji syukur wonten ngarsanipun gusti ingkang maha kuwaos jalaran awit saking rahmat saha kanugrahanipun kita sedaya taksih saged kepanggih lan makempal wonten ing aula meriki kanthi kaparingan kabagas warasan tuwin nir ing rubeda mboten kirang satunggal punapa.

Kejawi saking menika, kapareng kulo matur , kula minangkani sesulihing atur kanca-kanca ngawontenaken perpisahan sekolah kelas IX, ing sekolah mriki, ngaturaken sugeng rawuh lan matur nuwun sanget awit panjenengan sedaya sampun kersa ngerawuhi pengetan menika

Bapak saha ibu guru , para tamu undangna dalah sedaya kanca ingkang kula hormati ing dinten menika ngawontenaken perpisahan kelas IX kita kedah ngaturaken puji syukur kunjuk ngarsanipun gusti ingkang maha tunggal lan atur panuwun dumateng para siswa kelas IX ingkang sampun ujian mugi mugi nilainipun sae lan saged kaparingan lulus. Para siswa kelas IX sak sampunipun lulus saking sekolah menika saged ngelajengaken sekolah ingkang langkung inggil lan saged migunani kagem tiyang sepahipun , ugi nagari

Para tamu undangan ingkang kula hormati, saha para kanca ingkang kula tresnani, kula sak kanca nyuwun pangapunten sak dangunipun makempal wonten sekolah mriki, ugi nyuwun agunging pangapunten menawi acara punika kirang sae lan mbok menawi katah kekiranganipun nyuwun agunging pangapunten ingkang katah

Mekaten ingkang saged kula aturaken

Wassalamu ‘alaikum Wr Wb

PIDATO PERPISAHAN SEKOLAH BAHASA JAWA

PIDATO

Assalamualaikum Wr.Wb.

Nuwun Bapak/Ibu Kepala Sekolah ingkang kinurmatan, tamu undanganan, Bapak/Ibu Guru saha karyawan ingkang kula hormati,  tuwin rencang-rencang ingkang kula tresnani.

Puji syukur konjuk wonten ing ngarsanipun Gusti Allah ingkang Maha Asih, awit ing wekdal menika kita sedaya taksih pinaringan rahmat saengga ing wekdal menika kita saged makempal kanthi pinaringan karaharjan.

Kula minangka wakil saking siswa kelas IX, ngaturaken agunging panuwun ingkang tanpa upami dhumateng Bapak Ibu Guru, awit saking sih katresnan anggenipun nggulawentah dhumateng kula sekanca, saengga saged ngrampungaken kewajiban anggen kula sakanca ngangsu kawruh wonten ing pawitan menika.

Kula sakanca naming saged memuji, mugi-mugi sedaya amal lan kesaenan Bapak Ibu Guru pikantuk pinwales saking Gusti Allah ingkang Maha Agung, saha tansah pinaringan kasarasan, kawilujengan lan ketentreman saengga saged nggulawentah dhateng adhik-adhik sedaya ngantos dumugi paripurna kanthi biji ingkang maremaken.
Mboten kesupen kula sakanca ugi nyuwun pangapunten, awit kula sakanca asring ndamel Bapak Ibu duka lan kuciwa, awit saking atur saha solah bawa kula sakanca ingkang mboten mranani penggalih panjenengan sedaya.

Dhumateng Bapak/Ibu Guru lan adhik-adhik sedaya, sepisan malih kula ndedonga mugi tansah pinaringan rahmat saha barokahing Gusti Allah, Amin..
Wasana cekap semanten atur kula, menawi kathah kalepatan atur saha solah bawa ingkang boten mranani penggalih, kula nyuwun pengampunten.

Wassalamualaikum Wr. Wb.

NAMA      :BAYU APRIYANTO

NO           : 06

KELAS      : IX B